اعترافات سماحة: فيك تروّح نواب وإذا مفتي عكار موجود يرّوحوه نشرت صحيفة " الجمهورية" ملفا كاملا عن قضية تفجيرات ميشال سماحة، مرفقا بصور مستقاة من الفيديو الذي ضبط فيه يسلم المتفجرات والأموال ويعطي التعليمات القاتلة لميلاد كفوري الذي تحوّل لاحقا الى مخبر كشف المخطط الإجرامي. في الساعة التاسعة من يوم الجمعة الموافق للعشرين من شهر تموز عام ألفين واثني عشر، نحن النقيب رقم 91222 والملازم أول رقم 91382 من ضباط شعبة المعلومات من المديرية العامة لقوى الأمن الداخلي ومرتدين اللباس المدني نثبت أنه وفي اواسط شهر تموز من عام 2012، حضر أحد الأشخاص إلى مركز الشعبة وصرح أن لديه معلومات أمنية على قدر عال من الخطورة يرغب بالادلاء بها، وباستيضاحه من قبل رئيس الشعبة صرح وبأنه ومنذ مدة اتصل به الوزير والنائب السابق ميشال سماحة كونه على علاقة معرفة به وطلب مقابلته في أقرب وقت ممكن في منزل سماحة في محلة الجوار، مضيفا أنه توجه الى منزل سماحة والتقى به حيث اخبره الأخير بأن اللواء مملوك يهديه السلام ويريد منه خدمة، وباستيضاح الأمر أعلمه سماحة بأن المطلوب تنفيذ عمليات تفجير واغتيالات في منطقة عكار وبأن اللواء مملوك على استعداد لتأمين المتطلبات اللوجستية والمادية اللازمة للتنفيذ، عندها أعلمه الشخص بأنه سيفكر في الموضوع وقرر التوجه الى شعبة المعلومات والادلاء بما لديه، وعليه سطرت. - وبتاريخ 20/7/2012 تم اعلام النائب العام لدى محكمة التمييز القاضي سعيد ميرزا على الموضوع تفصيلياً فأشار باعتبار المذكور مخبراً سرياً في هذه القضية وتنظيم كتاب خطي بذلك. - بموجب كتابنا رقم 155/205 الموجه إلى النائب العام لدى محكمة التمييز تمت الموافقة على اعتبار الشخص المذكور مخبراً سرياً في هذه القضية اعتباراً من تاريخ 21/7/2012. - حضر المخبر السري وصرح بأنه سيجتمع بسماحة صباح السبت في 21/7/2012 في منزل الأخير الكائن في محلة الأشرفية – ساسين. وبناء عليه تم تجهيز المخبر السري بأجهزة تصوير وتسجيل سرية في جسمه بغية توثيق اللقاء بين سماحة والمخبر السري بالصوت والصورة. وبعد حصول اللقاء حضر المخبر السري حيث تم نزع جهاز التسجيل والتصوير من جسمه وتفريغ محتوياته مع الإشارة الى حصول لقاءين آخرين بين ميشال سماحة والمخبر السري بتاريخي 1/8/2012 و7/8/2012 وعليه سطّرت. وقائع الاجتماعات - في ما يلي الوقائع "تفريغ خطي" للاجتماعات المذكورة أعلاه بين ميشال سماحة والمخبر السري وجميعها موثقة بالصوت والصورة بعد تجهيز المخبر السري بالمعدات التقنية اللازمة. صباح تاريخ 21/7/2012 الأشرفية بيروت: مخبر: (مدخل البناء) كيفك. أنا صاحبو لفارس طالع لعند المسيو سماحة. المخبر يتكلم مع سكرتيرة سماحة المدعوة غلاديس: الرخص مجددين تلقائياً وكل تجديد عم يطلع شهر، ما عم يعملو جديد غلاديس: إيلي سألتو قال نبيل ما نزل مخبر: يحملو عادي لما يكون معو غلاديس: إيلي سألتو ما عارف مخبر: طمنّي عنك سماحة: كيفك مخبر: عطلان همّك شو بدي إلك. كيفك، عطلان هم حالي إذا بدك كمان. وحياتك مأيّرة معي عالأخير وعم فكر طلوع نزول. سماحة: منيح. بالرغم من كل شي منيح. مخبر: صاحبنا كيف؟ سماحة: منيح. مخبر: وصاحبي الزغير مزبوط عن حافظ سماحة: شو بو؟ مخبر: عم يحكو عالانترنت سماحة: هيدا جهل لما بيعرف طبيعة التركيبة. خليهن على عماهن هيك اجتماعات ما بيحضروها، يعني الحاضرين الاجتماع، يعني هالاجتماعات عادة ما في حدا من رؤسا الأجهزة بيحضرا. سماحة: مع مين بدي أحكي أنا عم أحكي. مع الكل وقبل ما تصير بشي ربع ساعة كنت عم أحكي مع صاحبي بمكتبو وطبيعي لما بدو يصير اجتماع يحضرو وبيجيبن لعندو مخبر: اه أوكي فهمت عليك سماحة: ما بيعرفو طبيعة النظام ومين الأساسي. هاو المجموعة رئيس الأركان ما بيحضر، ما حدا منّن عندو أمرة على الأرض. مخبر: الأمرة في محل تاني. سماحة: هاو بحكم مواقعن ليكون عندن وهاي الواجهة، منصيب الواجهة معنويا لكن جوا نضغو مخبر: عم شوف القناة السورية عم بتصور سماحة: القناة السورية عم بتصور مخبر: هاي الميادين زبر حمار سماحة: حاكيني أول مبارح، اتصل غسان بن جدو بدو يطلع معي مخبر: إنو نحنا متطّمنين عوضعنا. ما في شي وإنت متطّمن. سماحة: منيح مخبر: طيب حبيب، بدي منك شغلي، طيب أول شي بدي إلك شغلي، أجانب بعكار ما في كسَكن وإقامة، في سيارات ديبلوماسية ولوحات ديبلوماسية سيارات أجار عم يتحركو بكثافة بالمنطقة نص ساعة، تلات رباع الساعة، ما بيقفرا إلا حواجز الجيش المفروض متل عند أصحابنا كل واحد بيمر بتسجّل لأنو هيدي منطقة عسكرية صح، وهيدا شي مش عم بصير بحسب علمي، نتبه عحد علمي. مخبر: بدي ارجع كرر عليك نحنا بدنا نكفي بالموضوع ولاّ صاحبنا شو توجيهاتو بدو يكفي؟ سماحة: بدو يكفي وبدو يعرف وإذا فينا نعمل عمليات بدو يعمل مخبر: أوكي طيب، أنا يعني، أنت بتعرف، أنا هي الشغلة الكن عندي مين يعملها بس تحت سلطتي. أنا بدي صاحبنا يعرف إنو لازم يحميلي عيلتي إذا في حال لا سمح الله صار لأنو بالأخير مش رح نقضي عمرنا، يعني بالاخر بروح بالمغليطة عرفت عليّي كيف. سماحة: في أربع أشخاص مخبر: بس هاو البيعرفو بالعملية بس؟ سماحة: الكبير وهوي وأنا وإنت. مخبر: بس هاو البيعرفو بالعملية، ما في غيري مكلف؟ سماحة: وبلبنان ما في حدا بيعرف وقت في بضاعة بيوصلوها مطرح اللي منقلن، منقلوا يوصلا من دون ما يعرفو لمين ولا كيف ولا وين ولا شو بدو يصير ولا... مخبر: بس هوي بدو يحددلي الأهداف لسبب.. جماعتي ما بيقدرو يحددو أهداف عشوائية، يعني بدو يحدد أهداف محددة ليرصدو وينفذوا ساعة لبيكونو مرتايحن. هني تلات أشخاص، المتطلبات هيّي هاي: (قام المخبر بتسليم مغلف لسماحة) بعد اجتماعات متكررة أنا ويّاهن توصلو إنو هني بحاجة لها لغراض هاو سماحة: حقيبة أو مستوعب كرتونة شو يعني مخبر: يعني انتبه أنا قعدت أنا وياهن. هني بيعبوهن. رح قلك شو قلتلن بدك الصراحة هني ضدّ 14 آذار حكما، واحد منّن إمو مجوزة من فلسطيني وإنت بتعرف راسي. أنا بالأسامي ما بعطي أسامي. سماحة: لا ما بدي أسامي ما شغلتي. مخبر: أنا قالولي سجّل سجّلت، كتوب كتبت، قالولي إنت خيّنا وحبيبنا إذا كانو الجماعة فهمانين بالموضوع لازم يعرفو نحنا شو طالبين. حاجب: صباح الخير مخبر: صباح الخير، أهلين (قام يأخذ فنجان قهوة) مخبر: هلق في قسم إللي سألت عنو بيتأمن من هون، مثلا دراجة مسروقة، سيارة مسروقة، هني بأمنوها مع وراق مزورة سماحة: بالأهداف مخبر: هلق حسب الاهداف البدنا ياها بيختارو أي مواد لازم، يعني هيدي في الحالات كلا. هلق بالاستثنائيات بيختارو أي وحدي بدن يشتغلو فيها. سماحة: هاي لكل وحدي. مخبر: بالضبط لكل وحدي. سماحة: لكل عملية. مخبر: بالضبط نحنا عم نحكي عوحدي بالكميات سماحة: بالأهداف. مخبر: بالأهداف بدنا نحدد. مخبر: هني قالولي، قلتلن طبيعة العملية، يمكن إذا لقينا في مكان في أجانب بدنا نضطر ننّزل المكان عروسن، وإذا لقينا في أماكن بس نعمل رعب بالمنطقة أو تحضيراً لفتنة بين طايفة وطايفة بدنا ننقّي أهداف تأثر عالشارع. بيقلي التاني هاي حالات نحنا مش عايشين بالصومال نحنا عايشين بلبنان نحنا عايشين بيناتن مخابرات الجيش موجودة، المعلومات موجودة، أمن الدولة مخابرات أجنبية وحزبو كمال الخير وجهاد الصمد موجودة ما فينا إلا ما نحدد الهدف تنقدر نشتغل برياحتنا وننجح. سماحة: طبيعة الأهداف أولا أنا ما بدي تطلع ردة الفعل منوا عالعلوية. طبيعة الأهداف أماكن تواجد مقاتلين سوريين هني بيعرفوها أكثر مني مخبر: مظبوط قالولي عنها موجودة سماحة: القيادات اللبنانية الي عم تتعاطى معن مخبر: يعني العم تدعمن سماحة: الي عم تدعمن وتتعاطى معن وإذا بينعمل شي مغلغل يعني أثناء وجود هوديك معن بمكان تواجدن بينعمل شي هني يرصدن، فيهم يعرفو فيهن يعرفو إذا بيقدروا أو ما بيقدروا القيادات اللبنانية الي داعمتن في أماكن تواجدها الأماكن الي ما فيها جيش لبناني وهني آخدين راحتن فيها، تفجيرين تلاتة فيها مما يخلق الرعب ويزيد الحذر بس هني بدن يعملو حسابن، إنو بس تعملا لهاي ما فيك ترجع تعملا بذات المحل لأنو بيصيرو حذرين، بتنعمل مرا. مخبر: بدو يتحدد هدف يكون في زبدة سماحة: هيدي هيي هلق بيشوفوا، هوي إذا عندن أهداف محددة كمان منجيبها. تكاليفها؟ مخبر: هلق شوف بالنسبة للتكاليف، قبل التكاليف بدي الك شغلة، بجديتها للعملية نحنا بيهمنا إذا واحد لا سمح الله تعبشو في، نقدر نغطي عيلتو ماديا لأنو هيدا الاتفاق الي صار أنا وياهن، وما بيعترف عشي لو بدو ياكل قتل بس عيلتو مأمنة بالحد الأدنى. لما بدو يبلش بالتنفيذ يكون معو مش حيعودو يترددو عأساس بيتاجروا بالخضرا بدن يروحو عالسوق والى آخره. كانو تاجر خضرة عم بيروح. بالنسبة لألي يعني إنت لازم تعرف، إنتا بهالحياة كلا سوا أنا لو ما هني عم يطلبو أنا ما بعمل هيك شغلات، هلق ليش صار هالاختيار عليّي بتحور وبتدور براسي ما عم لاقي جواب. سماحة: الثقة، الثقة، الثقة، الثقة، لما بتقول ما بقدر يعني ما تقدر. في حرص عليك وحرص من خلالك عالناس البدا تعمل، إنو يروحو ويعملو ويضحّو لذلك وقع الخيار وإلك القرار، يعني بتقول إيه ممتاز بتقول لا. متفهمين تنين هاي شغلة الأمان فيها وأمن الناس والثقة هيي الأساس مش إنو والله عنا شبكة هيك وروحو شغلوها، وأنا ما بعمري عملت قصص من هالنوع. مخبر: رح قلك شغلة، أنا بريدك تكون، الجماعة يعني صاحبنا هوي بيعرف قيمة هالشغل أنا بالنسبة لإلي جماعتي لازم ريحن انت بتعرف راسي بهالموضوع كنت أتدين لإدفع لجماعتي، أنت برأيك أديش لازم تكون الدفعة الأولى مع الاتفاق إذا هالأشيا ممكن تتأمن سماحة: بتتأمن بتتأمن. مخبر: وبنفس الوقت نحنا بحاجة لشغلتين مش مذكورين، أنا بحاجة لمسدسين كاتم للصوت سماحة: أوكي. مخبر: ما نذكروا بالورقة، ما بدن بندقيات، في حال نزركو برَوحو الي شافن بدون صوت بدون شي تيقدرو يغادرو المنطقة الي هني فيها من دون ما حدا يشوف، هلق التقدير المادي سماحة: يا خيي، قلي هيدي الشغلة أو نكور، بدي هلقد، هلقد بدو ينضاف أهداف، هيدا طبيعي. مخبر: إذا تأمن /200/ ألف بيعطي كل واحد منن مرتو /50/ ألف وبيتسهلوا، بدن يأمنو السيارة والموتسكيل. أنا تركني عجنب. هلق شي بيرجع صاحبنا يقدّر بدي ابعتلو هلقد شي، بيرجعلو بدو يزيد أو ينقص لكن إذا باكثر الظروف الصعبة، وحضرتك بتعرف كنت عم ساعد رغم انن كانوا منتشرين حتى بالحمامات تبع العالم شعبة المعلومات وجماعة الحريري وهيديك إنت بتعرف زبلني وكبني. وأنا بالأخير تقديرك وتقديرن يعرفو، بس أنا بدي اترك الموضوع لاختيارن هني لألن، قلت لأنا كون مرتاح مع تأمين الغراض. أنا بيهمني الغراض، الغراض مش موجودين أو ما وصلو؟. وتحديد الأهداف، الأهداف فهمتا بشكل عام يمكن يطلع هدف غير كليّا عن الي عم نحكي شو بيعرّفني، شو بعمل، بدي أعمل، ما بعرف، كتير عم بطلب؟ سماحة: ما عندي توقع لأنو ما بعرف، ما بتوقع ما بحط توقع إنت بتعرف. مخبر: أنا حسبت بس بدي بلش مع إنو في ثقة، بعطي باكيه /15/ ألف دولار خلص لمرتك، بفهم حالي إني شبعتن من أول الطريق ما بيفكروني عم كحلح، خاصة عمليات من هالنوع بدو يكون في ثقة والحمدالله أنا عندي ثقة فيهن مليون بالمية، إذا تختخ بالحبس وقرطو قتل ولا ممكن يحكي لأن عندو أخواتو برّا، بس عطيتن وعد إنو إذا صار شي لا سمح الله العيلة أنا بأمّنها. هلق شو تعليقك ما بعرف. سماحة: أنا طالع وبرجع وبتبلش مخبر: بدنا نتفق هون إنت قلتلي ممكن يتأمن بضاعة محليا نشالله يكون سماحة: بيقولو للحزب بيحطن بالمطرح الفلاني وخلص منشيلن، ما بيعرفو لا مين ولا وين ولا بيعرفو شي. الجو هون كيف؟ مخبر: والله الجو هون يطول عمرك إجاني إنو نجيب مغير بحركتو بطريقة تعاطيه بالجلسات، متل كأنو عم يلبط، واحتمال أميركا والسعوديين واعدينو بالجلسات، مين بعد عندو بشار كل الحلقة راحت سماحة: ما بعرف في تغير بالقيادة القطرية. وقت تغير مجموعة قيادات بعد الدستور بطّل الحزب القائد، هيدي حلقة جديدة يعني بختيار رئيس مكتب الأمن القومي في الحزب، وهاو مجموعة حزبية أمنية مش مجموعة الدولة بس مكتب الأمن القومي بالدولة ما حدا بيعرفو، مش هاو. هاو عالأقل 4 منن مع التغيرات الجاية بيبطلو. حتى آصف بطّل رئيس جهاز وبطّل نائب رئيس الأركان، هوي نايب ووزير الدفاع حافظ عليه لأنو صهرو بس منو بالحلقة، ليست له الأمرة وليست له يعني أوقات كان يدخّل حالو. أنا صاحبي بشوفو دايما وبعرف وين بيشكي القيادات الحقيقية بشار صرلو /17/ شهر بيشتغل ساعات نهارو كامل بيعرف مين بيأمر مين ومين خرج وعامل تركيبتو. مخبر: تركيبتو ما حدا بيعرفا فعليا، شو موقع علي غندور وشو بيدير. عل الجزيرة ذكرو إنو بالحلقة الضيقة بعد في علي مملوك وكم اسم سمعت. سماحة: هوي علي متل ما شايفو كيف عايش ووين قاعد مخبر: طول عمرك أنا لازم إطلع؟ سماحة: اتفقنا إنت ما بتبيّن مخبر: يقبرني ربك سماحة: أنت ما تبيّن. مخبر: ووافق هوي، اتفقنا على الحكيناه. أنا زلمي ستريكت كيف بدي قلك ياها، يعني الجماعة بدي يحافظو عليي، إنتي مش موجود، إنتي لا هون ولا عندن بإديش ممكن تجاوبني؟ سماحة: نص جمعة الجاي مخبر: شو بقلن للشباب نزلو عسوق الخضرا ، أنا رأيي قلن نزلو عالسوق. سماحة: ويبلشو مخبر: يبلشو يستقصو عل الخفيف مطرح ما بيعرفو الأهداف القلتيلي عنن نقدر نتصيدن ولاّ لا، هلق الأمور هون شو؟ سماحة: هون بدون يجروك على مشكل، مش رح ننجر، كلام السيد واضح جو المنطقة جو حرب. مجيء بندر هوي إعلان فشل المرحلة السابقة بمواجهة إيران وبالعراق جربو يحركشو. جوات روسيا الروسي طيلع نيابو وضافيرو ما في مزح فتحت على القصص. هون جزء من هيدا الكورال هني ما بيعرفو إن كان بسوريا الى عند سوريا، كان عم يشتغل وماشي التعزيل. الموضوع الخارجي. بدا تتحرك اسرائيل، صحيح اسرائيل رفعت شو بدا تعمل أكتر، محضرينلا إذا بدا تعمل إنزالات وين ممكن بس رح تتلقى ميات المرات أكتر من مرة الماضية، أنت بتعرف ما في حدا بيعمل حرب شاملة، ما عندن عسكر وهالمرة الصين رح توجّعن، عم تعملو حرب بتفرط الحكومة، بتهلهل أكتر بس. مخبر: يعني نجيب مسيطر عليه سماحة: مصلحتو مخبر: ووليد سماحة: هالكم يوم كان عامل حسابات غلط بسوريا ومتعلق بالسعودية. سوريا مسرح الهم إيران هلق نضاف عليها روسيا والصين عملو تستات فكروهم إنو ما بيروحو هلقد. حيكفّو. روسيا بتعرف كتير منيح في تنين بيكرهو لبندر، الروسي بوتين تحديداً، والمخابرات والقيادة السياسية بيعرفو شو عامل والإيرانية إنو هيدا إعلان حرب. إعلان حرب. مخبر: تعيين بندر إعلان حرب سماحة: كان موجود بس غير معلن. سماحة: بتشيل مقرن وبتحطو عند الملك وبتجيب ابن سلطان تعطيه المخابرات وهيدي معادلة جوات العيلي، هيدا الموقع لولاد فيصل، لسلالة فيصل. مخبر: إي كان تركي الفيصل سماحة: لتشيلا من هون في عيلتين، ما هوي بندر آخد إختو لتركي، بس استعملتو كل الوسائل ما قدرتو استعملتو، يعني بالمرجلة التقدير بدائرة بتخرق بشخص. ما فيي أحسم قبل ما شوف وجّ بوجّ عالتلفزيون هيدي أسئلة ما بتنسأل. الخرق فيه شغلتين بتخرق فيهن إذا حاطط معناتا عند بختيار أنا ما بستبعد سهولة الخرق عند بختيار لأنو مش باكت البتشوفا عند علي وعند الرئيس. مخبر: قالو المنسق سماحة: هاو كلن، هيدي الدايرة كلها، ما حدا على تماس مع الإيراني فيهم، التماس مع الإيراني ما حدا بيعرفوا، ناس متل محمد سليمان، ما سمعت فيه إلا بس مات، إذا انتحاري غير موضوع الانتحاري عندو نشأة دينية مقرر شو رايح يعمل غير يللي عم يعمل عملية ورايح يقبض مصاري، فجّر وهرب. فيك تجند بسهولة، هيديك يعني تنظيم ديني، يعني الجيش السوري الحر ما الن علاقة . هيدي قصة مخابراتية، الحر بيعمل بيان، حدن من الخلايا الي بتشتغل قصص من هالنوع، انو يرصدو حدا ويخطفو بتصير، بس مش من هالنوع .أما أنن يعملو خرق بدايرة الرئيس هيدا مستحيل. التركيبة من أيام بيّو وهاو بيختيرو وولادن بيجو مطرحن الرئيس إلهن. مخبر: بس بدي إلك شغلة بتمنى تقلو لصاحبنا إنو العم يطلبن حيوزّعن. سماحة: ما عليك ما عليك مخبر: أنا ماشي سماحة: أنا بتصل، ممكن، ويمكن غلاديس تتصل فيك وتقلك الساعة الفلانية بالبيت. مخبر: طيب بيهمني يتأمنو الغراض. بدك شي، كيف كانت سفرتك. سماحة: منيحة مخبر: تفضل لا مش لح اقبل. دير بالك ناطر أنا، تفضل تفضل، باي. انتهى الاجتماع الأول. الاجتماع الثاني في 1/8/2012 الساعة التاسعة والنصف صباحاً. المكان بلدة الجوار داخل منزل سماحة: مخبر: غود مورنينغ. تل هيم ميلاد مخبر: صباح الخير، فكّرتك بدك تحضر عيد الجيش قلتلي الصبح، قلتلي بكير، فكرت بدك تحضر عيد الجيش. سماحة: أيه جيش ، أيه جيش، جيش شو؟ مخبر: كيفك حبيب؟ سماحة: منيح؟ مخبر: طمّنا عنك. سماحة: إنتي كيف؟ مخبر: أنا منيح مشتقلك. سماحة: أنا منتظرك تسعة ونص لأنو لما بتقول إنتي بين التسعة والتسعة ونص معناتا عالتسعة والنص. مخبر: حضرتك قلتلي بكّر. سماحة: لا أنا ما عندي مشكل قلتلك ثمانية. مخبر: قلتلك أنا ما بدي إزعجك وقلت أنا ما تقوم بدك تقوم تنزل تحضر عيد الجيش ، قلتلي تعا بكير سماحة: لا لا لا لا لا لا لا مخبر: طمنّي عنك سماحة: منيح مخبر: صحتك سماحة: (قام بتشغيل التلفاز) عم يقرا المراسيم مخبر: حتستمع عليه. (كلمة وزير الداخلية) سماحة: يا عيني هونيك وليه مخبر: شو بدك في، هونيك صاحبك، طمني عنك أول شي سماحة: منيح. مخبر: كيف الأوضاع؟ سماحة: منيح بيسلمو عليك. مخبر: يطول عمرك بس لقلك لنقدر نركز بدك تتسمع عليه؟ سماحة: لا الصوت منشيلو مخبر: منشان هيدا صاحبك وزير الداخلية شو بدنا نتصبح فيه. مخبر: كيف هنّي؟ سماحة: الوضع منيح . مناح. مخبر: والمركز الجديد تبع صاحبنا. سماحة: ممتاز مخبر: غير هيداك، يعني أحسن من هيداك. سماحة: غير هيداك. هلق صفا كل الأجهزة بتصب عندو مخبر: إي أوكيه سماحة: كل الأجهزة عندو والعلاقة مع الرئيس بالموضوع الأمني هوي ومكاتبو بالقصر. مخبر: مش متل ما كان هيداك بختيار مختيار سماحة: لا هيداك كان الحزب الواحد هيدا نعَمَل قانون جديد، نوع من وزارة أمن مخبر: وزارة أمنية؟ سماحة: مش وزارة يعني ما بدن يسموها. مكتب أمن قومي على الطريقة الأوروبية بس مضمونها مش هيك. مضمونها أول مبارح جمعن الرئيس لأول مرة عطا التوجيهات تبعن كلن، وفق نص الـ... وهلق عم ينقل بس الصلاحية والأمر إلو. مخبر: الصلاحية والأمرة لإلو؟ سماحة: لا منيحة منيحة مخبر: أنا توقعت بدا تتغير بعض الأمور إنو بالتغيير يللي صار سماحة: إنو رستم يطير يعني مخبر: لا إنو منشان صاحبي، صاحبنا، إنو ما يكون بالزخم الي كان فيه. سماحة: مين علي؟ مخبر: إيه سماحة: لا بالعكس أكتر صار مخبر: أكتر، هيدا فكري أنا سماحة: لا اكتر بكتير صار، هاي ما الها علاقة. يلي كان قبل، صالون أمني دون صلاحيات تابع للحزب وبيعطي رأي اسستشاري ولا يأمر الأجهزة، يعني ما عندو أمرة عشي، هلق لا ، أخذت دروس من كل المرحلة السابقة تركز وتعمل قانون صرلن ست اشهر بيشتغلو عليه والرئيس البضاعة ما بعرف أيمتا بتوصل، بيخبروني. مخبر: يعني ماشيين سماحة: ماشيين، بس في تعديل بسيط هلق المبلغ نزّلو لـ/170/ مخبر: بس حضرتك قلتلن أنا مش حاسب حالي. سماحة: إيه إيه مش حاسب حالك وهو الرئيس وعلي بيقولي في الو شي لوحدو، الو شي لوحدو، ما إلو علاقة. مخبر: إنت عارف، أنا زلمي عارف أنا سماحة: بتعرف شو أوضاعن مخبر: خلص سماحة: ما تلاقيني إلا أنا جايب مخبر: خلص أوكيه إلي بتشوفو إنت. سماحة: بلشو مخبر: خلص أنا يطول عمرك رح قلك، أنا مش نايم وأنا عم بشتغل وجماعتي عم يشتغلو. سماحة: يعني حتى المصريات ما قبل أنا أحملن، عالطريق بين اليوم بالليل وبكرا بعد الضهر بيكونو هون. مخبر: أوكي سماحة: والبضاعة بتكون ما حدن بيعرف وين عم نسلمن مخبر: أنا البضاعة يطول عمرك بالنسبة للبضاعة بس بدي قلك كلمة. حضرتك بتقلي البضاعة موجودة بالمحل الفلاني تا ما قول بدي البضاعة بالمحل الفلاني، يحددولي هني وين بدن يحطوها بيقولولي يحيّيه موجودة نشالله بسيارة كسر ما فرقانة معي، بس ما يكون في مدة طويلة تا اقدر أوصال عليهم بس. سماحة: البضاعة بقولولي بعد ساعة ساعتين بتكون بين إيديك مخبر: طيب بس تذكرت تقلن عن المسدسين سماحة: أكيد قلتلن مسدسين كاتمين للصوت مع مع مع... مخبر: طيب أنا حددت، حددنا، صرنا تقريبا جاهزين أكيد بعدين رح إعطيك ياهن. عنا قرية السنورة، عنا عمار البيكات، عنا الهيشة والمقيلبة، هاو تنيناتن بمنطقة وادي خالد. عنا الكنيسة وعنا كفرتون نحنا مركزين هلق هونيك لأنو المينو المطلوب، المجموعة المطلوب استهدافها تتحرك بهيديك المنطقة صارت تقريبا بدك تقول مرصودة /99/ بالمية لكن عم بضطر ابعتن بالنهار لبعد الضهر يطلعو بعد الضهر عم اخيفهن بالنهار عم نزّلُن متل ما كنت حاكيك. سماحة: شو بيكونو عم يعملو مخبر: أياهني منّن؟ سماحة: المرصودين مخبر: بيهربو مسلحين وبيشترو ذخيرة من السوق الطرابلسي ومن السوق العكاري. هيدي موجودة، فلوس موجودة، في عملة صعبة، في إفطارات عم بتصير عم يحضرها نواب هلق هون ما بعرف حضرتك حكيتن عن الأهداف. حكيت مع علي عن الأهداف بيحدد هوي الأهداف ولا سماحة: عندن إفطارات، في نواب فيك تروّح نواب، فيك تروّح الضاهر، خيو، حدا من القيادات السياسية تبع الجيش الحر، السوريين، تجمع سوريين فيه مسلحين في مكان ما، مخزن ذخيرة في مكان ما، الطرقات يلي بيمرقوا عليها، ياكلوها ضربتين تلاتة بشكل يتضعضعوا وما يسترجو يمرقو عالطرقات. هيدي أهداف. مخبر: بالنسبة للطوايف سماحة: ما بدن علوية مخبر: ما بدن، طيب إذا كان مفتي عكار موجود بإفطار من الإفطارات شو منعمل لأن يعتقد إنو رح يحضر إفطار من هلإفطارات هيدي. سماحة: إذا الموجودين تقال يروحوا. مخبر: أوكي سماحة: لا بدنا يعني هاي لا بدنا نقلو ما تروح ، ما بدي يعرف شي مخبر: إيه سماحة: عم تحكي عن مفتي العلويين مخبر: لا عم احكي عن سماحة: عن مفتي السنّة مخبر: مفتي السنة سماحة: إيه شو عليه مخبر: تبع عكار؟ سماحة: شو عليه؟ مخبر: هيدا احتمال يحضر هيدا الأسبوع. هيدا يلي عرفتو أنا بيهمني نكون عم نشتغل صح. سماحة: مبارح لو قادرين يطالوه بيطالوه ، لاحمد حسون، مبارح خاطفين من الجامع بحلب خيو للمغني وهو شيخ مخبر: (لمفتي الجمهورية)؟ سماحة: لمفتي الجمهورية مخبر: لحسون؟ سماحة: جمعة الماضية قاتلين بصلاح الدين ودابحينو لأهم شيخ فقهي بحلب. بسوريا محبوب كتير عاملين هني اشيا عاملي ردود فعل سلبية ضدن بشكل مش معقول. مبارح يلي عاملينو بزعما عشاير بيت بري قامت كل العشاير بعد الضهر وبالليل وفاتو هلق تسلحو ومنزلين العشاير بحدود الأربعين ألف مسلح مع الجيش بمنطقة حلب. مخبر: بحلب، هلق بحلب مطولة سماحة: بدا تاخد كم يوم. هني مخططين بدا تاخد شويت وقت لأنو في انتشار بمناطق شعبية، يعني لما تقول بسوريا مناطق شعبية يعني المعضمية، لما نضّفوها فيها سكان مليون ونص. حي صلاح الدين وحدو في 750 ألف زلمي ومرا وولد. السكايل تبع سوريا غير السكايل تبع لبنان بس ما عندن مشكل. هني بيعرفو تركيبتن وعدد الجيش الي نازل ضخم وقوات خاصة. مخبر: هلق نحنا بيهمني أنا، يطول عمرك، شغلنا ما يكون حدا عارف في نهائيا. سماحة: بس مخبر: وهني ما يكونو مكلفين حدن تاني سماحة: ما حدا بيعرف. ما حدا بيعرف. ما حدا ما حدا ما حدا ولا حتى لن تؤخذ البضاعة والمال من جهاز. ما حدا بيعرف إنو في هيك. في كذا في كذا. أمن الشباب وعيلن مكفولين، تكفل فيهم، وأمنك أنت، وتكفل اسمك مش وارد ما حدا بيعرفو. مخبر: بس أنا قلتلك، أنا بالنسبة لإلي أنا بتركا عليه وهوي يقدر سماحة: أنا بعرف القصة وأنا بعرف كيف بيقدر. مخبر: إيه خلص بس سماحة: وهلق صارت أكتر لأنو هيي إجت بمرحلة الانتقال من وضع لوضع بعرف أنا كيف رح يتصرف هو ويياه. مخبر: خلص أنا بيهمني هيك، بس أكيد بدي رتّب هوديك تريّح راسي، هلق أنا أوكيه، نو بروبلم. سماحة: بتبلش ترتب هوديك وإنت مرتاح مخبر: إيه خلص بس سماحة: و... لجيب تلفوناتي مخبر: يعني راضي عليي صاحبنا سماحة: (ووه صغرة من الفم) بس يبلش التنفيذ بدك تشوف، أنا بعرفن، أنا بعرفن كيف بتتطور الأمور وكيف بيصير رد الفعل بس تصير القصة. مخبر: يا الله يا كريم سماحة: الوزير كيفوي مخبر: ماشي سماحة: صحتو مخبر: منيح سماحة: يا الله عالخطوط مخبر: شو ما في خطوط، حتى بلبنان ليش في خطوط بدي أعرف عشو دعمتن هودي سماحة: مينني مخبر: هني هودي يللي بعلمك منن بدي أعرف عشو كفلتون بس سماحة: حيوانات مخبر: اه سماحة: حيوانات مخبر: عشو ركضلتن وتعتبتلن بس بدي أعرف. مشكلتك الكميونات هون بتهلكك بس بدك تقعد عالبلكون سماحة: عم بقعد هونيك مخبر: عم تهرب تقعد هونيك سماحة: بدي هاي الطريق تحت تكمل لنخلص من الكميونات مخبر: يا كريم يا الله مكالمة هاتفية لسماحة: صباح الخير كيفك منيح ماشي الحال، فيي إحكي معو، شكرا ألو قطع... كيفنا اليوم، صباحك منيح، ماشي الحال، منشكر الله، شو الشيخ أحمد، إيه، شو، إيه، شغل سلطة، بتخلص من واحد بيجيك التاني. أخوات شرمو.. من الميقاتي للرئيس لتركيبات بالجيش أي أي هونيك منيح، أي أنا منيح، أنا نسيت آخذ منك لائحة الأدوية وين صارت، إيه آه، أوكي أوكي، إيه إيه إيه لأنو، إيه أوكي اوكي يالله. سماحة: قلي بين اليوم وبكرا من اليوم الليلة وبكرا مخبر: والباقيين سماحة: شو الباقيين؟ مخبر: المواد سماحة: كلو كلو مخبر: آه كلو سماحة: كلو، بتستلم كل شي، سوا كل شي سوا. مخبر: يعني رح حضّر حالي على التنفيذ اعتبارا سماحة: ما في مشكل مخبر: اعتبارا من اليوم لأنو بدي سماحة: حضر حالك مخبر: لا بدي اشتغل، أهم شي بدي أمّن السيارة، بدي قلن يأمنو السيارة والموتوسيكل. سماحة: بلش حضر حالك من اليوم، نحنا منشوف بعضنا يا بكرا بعد الضهر يا الجمعة الصبح ببيروت بالبيت. مخبر: باقي هلق، في سفر؟ سماحة: لا لا أنا قبل ما تستلم كل شي وتباشر ما رح اتحرك، رح يصرلي وقت. أنا التنين بدي شوف الرئيس وبدي عزي ابراهيم صافي قتلولو ابنو مخبر: قتلولو ابنو، ظابط يعني؟ سماحة: مش ظابط، طيرجي راجع بالليل عطريق المطار عملولو كمين بيكون في حدن بالمطار عاطي خبر. مخبر: مطار دمشق سماحة: إيه مخبر: أف سماحة: بالليل مخبر: طيب، شو هالقصة هيدي كيف فلتت هيك سماحة: طبعا بدا تفلت. مخبر: يطول عمرك كانوا عاملين حديد، لك حديد جهاز حديد سماحة: يا خيي أيا جهاز حديد بالنتيجة كب مصاري بأرياف فقيرة وشغل وعامل ديني متطرف. مخبر: هلق رستم مركزو منيح سماحة: يعني رئيس جهاز هلق، بس الرئيس سلحو وكبسو وهلق صار تحت عيني مخبر: محمد الشعار سماحة: علي مخبر: آه كمان سماحة: وعلي ما في مزح كل يوم كل رئيس جهاز بدو يرفع شو عمل بالنهار وشو المهمات. لت فارس كوم فارس آند جورج. مخبر: المهم هالتشكيلات هيدي تضبط الأمور سماحة: إيه مخبر: الرئيس كيفو مرتاح، حديد سماحة: صافرة من الفم مخبر: قوي سماحة: عندو وعي بتفاصيل بدقة ببرودة بـ مخبر: بس طويلة، يطول عمرك، هيئتها سماحة: حرب، حرب كونية مخبر: هون، هون شو سماحة: هون أخوات شرموطة مخبر: هون، هون هالأخوات المنتاكة سماحة: أخوات شرموطة من الميقاتي للرئيس لتركيبات بالجيش يعني التهريب العم بيصير مش محمي؟ مخبر: طبعا محمي، محمي وغض نظر كمان. سماحة: محمي وغض نظر من ضباط عم تقبض. مخبر: بس هلق سياسيا هوني كيف بتشوفها؟ سماحة: محودرة مخبر: محودرة؟ مخبر: نازل عبيروت. قصة هالكهربا شو هيدا شو هالبهدلة هاي، شو هالقصة هاي سماحة: نحنا عملنا، بدنا نعمل خدمة مع الزلمي جايب موتور جديد بالضيعة وآدمي وواحد وما مشي الحال. وشغلو كتير منيح. كس اختا من مبارح لليوم بتنقطع الكهربا بيجي موتور، شوي بيختفي مخبر: هلق طلع المازوت 500 ليرة اليوم سماحة: يا فارس مخبر: أنا جيت ما كان في حدن هون سماحة: فارس تعا لشوف مخبر:عم تتعب سماحة: إيه، صوت التلفزيون مخبر: ميشال سليمان (ضحك) طيب، طول عمرك، بدي إسألك أنو الحزب راضي عن هالتركيبة هاي كلها، معقولي يتركها هيك سماحة: يا حبيبي الحزب رؤيته كبيرة، بيمتص أمور داخلية بس ما بيخليهم يوقعو. هوي بالاسم في استحقاقات ضخمة، في إمكانية حروب كبيرة، في إمكانية قصص كتير كبيرة شايفها، هلق في حرب كبيرة صار قصة كبيرة، بيلعن أبوهن كلن عالطريق كلن كلن. مخبر: إذا تطورت الأمور هونيك سماحة: بالمنطقة مش بس هونيك مخبر: بالمنطقة سماحة: الغرب وتركيا عم ينزركوا من خسارة بسوريا لخسارة، مزبوط عم تاكلها سوريا بس ما عم يقدروا يحققو شي زايد، هني اعتبروا إنو بيعملو مخطط بشكل دقيق، ضربة الأربعاء عظيم عملتوها وهجمتو عالشام، لا الضربة أثرت بالنظام، عملت اثر بسيكولوجي. كنتو بدكن تستعملو هيدا الاثر البسيكولوجي بالاعلام ليصير في فوضى بالشام. إنو معتبرين إنتو بينزلو هاو بيفوتو بالشوارع ويقوموا أهل الشام. صار عكسها تمام، فظيعين الناس، نضّفو الشام، وتنضفّت حوالي الشام، تعفر تعفير حوالي الشام وعم بيبلشو يفوتو أكتر عتفاصيل الريف. رحتو تعملو حلب عظيم. حلب، ريف حلب عم يستعمل فيه الطيران ووين في تجمع بتطلع بتضربو. تجمعات بقلب حلب عم تنضرب بالهيليكوبتر والجيش عم ي.... بعد يومين كل ما يعلا صوتن بالاعلام كل ما بتكون خسائرن فادحة عالأرض. بالنتيجة شو؟ بدك تكون جاهز لأيا شي إنتي والعراق وإيران ولبنان لكل شي. مخبر: لبنان كحزب غير الحزب ما في حدا، شي تجليطه، كلن هوديك سماحة: الحزب والمنظومة الحقيقية المباشرة الي حواليه الحزب القومي والبعث مخبر: بندر، شو بندر؟ سماحة: المصدر يلي طلع الخبرية أنا ما بوثق في كتير، إنو حصل انفجار بالمخابرات، صار حصل، وبعد يومين أعلنوا السعوديين إنو قتل مساعد لبندر ولا كلمة عن بندر، هل كان، هل هوي منصاب؟ إذا كان وجروحو كبيرة هل مات؟ بندر ما فيك تخبيه إذا... بندر إبن سلطان بيندفن بدو يصير في تعزيه فيه مخبر: مش شخص عادي سماحة: مش شخص عادي، هل منصاب؟ هل خافي حالو مهتم بالتحقيق؟ والسعوديين أسياد الغموض أنا مع الحذر بالتعاطي مع هالموضوع قبل ما تعرف الحقيقة الحقيقة (برينغ سام ووتر) مخبر: طيب هلق، يطول عمركن بس سؤال أنت بتقلي التسليم وين بدو يكون؟ سماحة: انا بتصل فيك بتجي لعندي بعطيك التفاصيل بتروح دغري. مخبر: بروح دغري. بدو يكون في شخص معني ولا سماحة: ما في حدا مخبر: ما في حدا أحسن سماحة: ما حدن بيشوف ولا حدن بيعرف مخبر: أوكي ماشي سماحة: يعني بتكون التعليمات بتروح بتحط الساعة الفلانية هالغرض الي هوي المعدات، المال بيوصل لعندي ما في مشكل. مخبر: اوكي سماحة: بتجي بتستلم الغرض وبتروح بتستلم البضاعة مخبر: بس هلق انتي حكيتو. إنو هاو دفعات بمرقولنا دفعات مش هيك، لأن تأعرف كيف بدي اتصرف بس هيدي ياها مافي مشكل ما منقدر نبلش هلق سماحة: إيه إيه مخبر: بشكل عام أنت مرتاح للوضع هيدا أهم شي سماحة: إيماءة مخبر: طيب يطول عمر أنا اتسهل سماحة: إيه مخبر: يعني عملية 72 ساعة. أنا رح ابدي حضر مشان السيارة والموتسيكل ونركز أكثر تنشوف أول وحدي وين بدنا نعمل. تكون انسب وتكون شوي فيها زبدة يعني ضربة كبيرة، يعني يروح فيها ناس كتير. رح احكي مع جماعتي بالهطريقة هيدي وعلى ضوئها متل ما الله بيريد شو بدنا نعمل (ضحك) شو بدنا نعمل طلعت القرعة علينا تقبلناها. سماحة: إيه يعني قرعة ثقة بالـ... ثقة بالشخص بعقلو بسرّيتو بقدرتو بحسن إدارتو، بخبرتو، بخبرتو بالناس وتقدير الظروف. مخبر: حبيب قلبي دير بالك لحالك وأنا رح انتظر اتصال ونتبهلي لحالك، أنا طافي تلفوني يالله حبيبي ألو هاي شو منشان الكلب سماحة: الكلب مخبر: طيب بدك شي بالله، باي باي، إذا عزت شي حكيني. انتهى الاجتماع الثاني. الاجتماع الثالث: الزمان 7/8/2012 الساعة 20.40 داخل منزل سماحة في الأشرفية مكان حصول الاجتماع الأول. مخبر: ما تواخذني أنا ضهري عم يوجعني كتير، أخذت حبة وأخذت إبرة هيدي بالفرمشية ونمت نمت وطفيت الخط ما قدرت إمشي، صدقني ما عدت قدرت امشي. سماحة: هاو المصاري (سلم سماحة المخبر كيسا لونه أبيض) مخبر: (قام بإخراج النقود) 170 ألف خلص. لازم عدّن منشانك ولاّ خلص. سماحة: خلص مخبر: ما فيش بيني وبينك، انا بيهمني الأمور تمشي عخير. سماحة: هلق بنزل أنا وياك بتنزِّل سيارتك مخبر: إيه (قام بإعادة النقود إلى الكيس) سماحة: 20 كيلو تنَينات مخبر: 20 كيلو تنَينات سماحة: تنين تنين، تنين تنين، وعندك يمكن 50 كيلو أو شي أو اكتر عشرينات أو تلاتينات مخبر: كلّو تي ان تي سماحة: إيه مخبر: كان لازم إيجي بغير سيارة بتعرف سماحة: بشو جيت مخبر: جايي بالسيارة الزغيرة أنا مش عارف إنو سماحة: والمتممات بعدين، منشوف إذا في بعض المتممات أو شي أنا ما بفهم فيهم. مخبر: المسدسات سماحة: عم بجهزولك ياهن مخبر: المتفجرات كلها جهزت يعني بيضل في الصواعق، الصواعق بعتولنا ياهن. سماحة: الصواعق بعتلك ياهن مخبر: بعتلي ياهن سماحة: بس أطلع وارجع بدي ارجع جيب. مخبر: أنا مبدئيا حضرت مرحلة التنفيذ بس أنا حضرتك في تحديد أنا رح قلك كلام يعني تقبلو مني. أنا صعوبة هيدا الموضوع إنت عارف شو هوي، أنا بيهمني إنو اللواء علي والرئيس فقط يكون معن خبر. سماحة: مأمونة، ما حدن، ما حدا (سماحة) صح مخبر: لأنو ديب زيتون استلم محلو بيكون عندو سماحة: ما حدا، ما إلو علاقة ديب زيتون. عند علي القصة ما إلو علاقة لا ديب زيتون ولا حدا عند ديب، ما حدا إلو علاقة. مخبر: خلص سماحة: ما بيعرفو منين ولوين، في شخصين بيعرفو علي والرئيس مخبر: بس؟ سماحة: بس نحنا مخبر: أنا اليوم كيف ممكن انحمي في حال حصل شي ما مأمن حمايتي وهيدا شي لازم أسألك ياه. أنا عندي عيله. سماحة: مأمّنة مية بالمية (نافر مايند) مية بالمية مية بالمية مخبر: كيف الوضع فوق سماحة: (إيماءة استحسان وارتياح) مخبر: أنا مرتاح للأجواء لأنو هاي الزيارة اليوم كانت، انا قبل ما غفى بيني وبينك سمعت التصريح وسمعت البيان، بيان مهم بس السعوديين عم يشتغلو بقوة هون هاه سماحة: مزبوط مخبر: وخاصة بندر بن سلطان بدي يحرك جماعتو كلن، عندك علم ما عندك علم ما بعرف. سماحة: أنا بدي إذا سمعت شي مخبر: عم تعملي وجع راس هالشرموطة (أركوكسيو) عرفتا بترخي العضل. سماحة: ليش عم تاخد هالأمور مخبر: ابديش اعمل عملية سماحة: في أمور تانية مخبر: عم باخذ فوردان سماحة: إيرتال مخبر: أخدتو، بتعرف معدتي إذا قلتلا شو فيكي بتقلك إيرتال سماحة: في شي بينعمل هون، بدك تريح عضلك مخبر: إيه سماحة: (شرح عن حالته الصحية) أنا عم باخذ منو عم ينفعني كتير لأنو أنا تشنجاتي حقيقية مخبر: أنا بعرف كان عندك مشكلة سماحة: في شي اسمو (ديكلو نوربيون) مخبر: قاطع عليّ سماحة: ديكلو نوربوين، مش نوربيون هيدا يللي بيمنع، بيوقف التهاب الأعصاب ووجع راسك (شرح طبي) مخبر: هلق، يطول عمرك، خلينا بالأهداف، في شي تعديل بالأهداف. سماحة: لا أبدا كل ما يعرقل النظام والقيادة وأمن التنقل وإمكانية ضرب الأسلحة والذخيرة والتجمعات، المقاتلين، مفتوحة، مين بروح بالدرب (إيماءة عدم مبالاة باليد) مخبر: ونواب المنطقة سماحة: كمان كمان، قبلنا مخبر: أنا قلتلك في شيوخ عم تحضر، شيوخ سنّة. سماحة: يصطفلو ينقبروا ما يعودوا يحضروا. اليوم هجموا بحلب عالأحياء المسيحية. مخبر: بتعرفن سماحة: صحابي كلن، تلفونات. ما في سوري. أخوات الشرموطة ليبيين توانسة، شيشان، أفغان. مخبر: أف يا لطيف سماحة: لهجات، لغات، أشكال، فات الجيش على عملية كبيرة بس إدامن عم ياخدوهم من البيوت مخبر: وهون شو؟ سماحة: هون أنا برايي بدا تفقش. مخبر: بدا تفقش سياسيا بس؟ سماحة: مين في يقول ما تفقش غير سياسياً مخبر: ما حدن سماحة: انا قلت بيساعو بـ بـ مخبر: معي الأودي.. أنا الأودي، بس أنا قلت إذا كل الغراض مش رح يساعو إذا كلن. سماحة: بتاخد قهوة مخبر: تا ما أخرك... بلا قهوة سماحة: بلا قهوة مخبر: طيب أنت أيمتا راجع طالع لتكملة الغراض. سماحة: بأي وقت هلق بنشوف شو هني. مخبر: بشوف شو في نواقص أصلا، بدي شوف جماعتي يشوفو هني، أنا ما بعرف إذا في قنابل مثلا، بعتولي قنابل، أنا طالب قنابل يدوية ضد الأفراد سماحة: ما بعرف شو في إذا مش باعتين منجيبها مع الفرودي، شو بعد في نواقص رح تشوف. وفي صواعق مخبر: أنا بيهمني صواعق وساعات التوقيت تبع التفجير.هودي أهم شي سماحة: هني كانوا محضرين شغلة بدّا الفان مخبر: فان شو، شو فان، شوي شوي، شو منقدر مناخد سماحة: هيدا المكان الاساسي، منزّل منو بيتنزّل وبيتحضر... مخبر: آه اوكي سماحة: ما بيعرفوا شي مخبر: من عند الرئيس مباشرة سماحة: إيه مخبر: إيه لأنو هيك بيحضروا تريلا شو بدنا فيها وين بدنا ناخدها سماحة: عم بيقولولي كذا، قلتلن لا، لأنو أنا، إذا ما قدرتو توصلوهن أنا بجيبن مدبرة الطريق على الطريق. ما حدا رح يحس ولا شي بمطرح لا بلبنان ولا بسوريا وعلحدود ما وقفت ما وقفت لحظة بقا... مخبر: (تعليقا على تناول سماحة الصبير) هيدا الصبير منيح للصحة سماحة: وللمعدة مخبر: وللمعدة سماحة: بقا شوف خيي شو ناقص فيهن يبلشو يشتغلو. مخبر: أنا بشوف شو يللي فينا نبلش بيشتغلو فيه. سماحة: (تلقى مكالمة هاتفية) مخبر: هلق بدنا ننزل على الموقف بدي اضطر أنا روح. سماحة: أنت بتروح بتبرم مخبر: بدي أبرم سماحة: بنبرم من هون، بتفوت صوب مخبر: كأني نازل على أ بي سي سماحة: أول مفرق على اليمين مخبر: بفوت منو سماحة: بتوصال لمطرح مخبر: مين بيفتحلي باب الكراج سماحة: أنا بكون تحت بفتحلك باب الكراج مخبر: اوكي سماحة: بتفوت، منشيل الغراض أنا وياك من سيارتي لسيارتك وحدنا مخبر: يخزي العين عنك جايبن بسيارتك سماحة: إيه (إيماءة) مخبر: شو كان بدك بهالشغلة يطول عمرك سماحة: يا خيي أولا بدي أمّن عالسرية لأنو ما بدي أتأخر وهونيك اللي مهم متل علي بدو هوي يهتم ما يقول لحدا عم يدير كل قصص البلد مخبر: إيه أنا شامم ريحة هيك سماحة: عم بيدير كل قصص البلد، يعني ما فيك، بتغيب إنتي ممكن يغيب كل الموضوع . أديش مهم الموضوع مهم اللي عم بيصير بحلب بحمص بالشام. يمكن يغيب عن بالهون إنو والله عندك جهاز وفي حدا يحضرلك الأمور ويحضرلك الواحد إذا عاملها شغلتو ليعطيك ياهن ساعة يللي بتوصال. منشان هيك التأخير مخبر: سلمتلي عليه وقلتلو إنو بالنسبة يأمنوني بعدين يعني ماديا بس. سماحة: التأمين المادي والتأمين الشخصي والتأمين هون والتأمين فوق، مأمن. مخبر: كلو، خلص هلق العلوية على أساس تروح عليهم بالأول سماحة (إيماءة رفض) مخبر: ما بتروح عليهم سمحة: (إيماءة رفض) مخبر: بس بضل عم جرب أرصد محلات ممكن نعدل نروح عالخطة الأولانية مثلا سماحة: خلينا عهاو مخبر: خلينا عهاو، بس المشايخ السنّة إذا طلعو بدربنا بدنا نشيلن سماحة: (إيماءة موافقة) وخصوصا الزعران مخبر: وخصوصا الزعران سماحة: يعني علي وعبد العال و... مخبر: وخالد الضاهر وجماعتو سماحة (إيماءة موافقة) مخبر: طيب أنا رح إنزل قبلك. سماحة: إيه مننزل. أنا رح إنزل لتحت لافتحلك مخبر: وأنا بنزل عالسيارة سماحة: بنزل أنا واياك مخبر: أنا لو عارف، يطول عمرك، خليت الشباب يلاقوني لأعطيهن ياهن هلق هيدي النيكة هلق صرت بدي تلفن ليجي واحد من هونيك، هلق صرت بدي روح أنا. سماحة: أنا ما تلفنتلك تما يتسجل أي اتصال بيني وبينك، حتى خليت غلاديس تحكي معك. مخبر: عرفت أنا هيدا الموضوع أنا فهمت الموضوع على طول... تفضل... الحزب ما معو خبر بالموضوع؟ سماحة (عدة إيماءات نفي قاطعة) مخبر: بنزل قبلك؟ أنا بدي انزل عالصفر لأبرم. سماحة: وأنا بكون فتحتلك، ما رح طل بكون فتحتلك. دخول المخبر وسماحة الى المصعد سويا حديث داخل المصعد مخبر: هلق هاو محطوطين بكراتين يطول عمرك سماحة: إيه إيه مخبر: بكراتين، هاي أهم شي سماحة: إيه مخبر: إيه خلص نشالله يكون باعتين تبع التوقيت الساعات تبع التفجير. سماحة: هلق بتشوف ما بعرف أنا قلي شو النواقص كتيبة كتبتن. (إيماءة من سماحة كأنه يحمل قلماً ويدون) مخبر: تاني شي، أنا كنت بدي إلّك مرة الماضية الخط الفرنساوي ما فيني إحكيك عليه؟ والثاني؟ سماحة: لا مخبر: هيدا الخط التعبان سماحة: لا هلق بتعطيني خط جديد. أنا بطلبك عليه من خط بيعلم عندك، منصير نحكي عالخط هيدا. مخبر: خلص ياالله المخبر في السيارة: نسينا كيس المصاري فوق (قام بالاتصال بمرافق سماحة المدعو فارس) فارس أنا: الكنباية يللي كنت قاعد عليها في كيس نزلي ياه عالباركينغ، لتحت عمول معروف. (انتهاء المكالمة). نازل لعندو عل الباركينغ جايب المتفجرات معو بالسيارة. المخبر في السيارة يحاول الاستدلال على الباركينغ من فارس الذي التقى به في الشارع مع وصف لشكل ولون باب الباركينغ. فارس: فتحو الأستاذ هونيك، إيه عاليمين مخبر: ما نتبهت أنا. يا الله عذبناه. فارس: دغري عالشمال مخبر: بروح هيك، بجي أنا وييه، بدي حط شي بالصندوق. فارس: انتبه مخبر: ما تعتل همّ البورش مش أغلى من هاي. عم يقلي رجاع خلص. التقى المخبر وسماحة لوحدهما في الباركينغ وباشرا بتحميل المتفجرات. سماحة: هاو الصواعق مخبر: هاو الصواعق سماحة: هاو القنابل، هاو الساعات. مخبر: أوكي هيدي الشنتة، خلينا نسكرا بتتسكر؟ سماحة: إيه مخبر: هيدي الشغلة أهم شي سماحة: هاي الصواعق مخبر: هاو شو متل الألغام سماحة: إنتو طالبينن مخبر: فيك تحمل سماحة: بحمل مخبر: حمول يطول عمرك شوي شوي بتأثر الحماوة عليهن أو لا؟ سماحة: لا لا ما بيأثر. سألت مخبر: لأن عندي مسافة طويلة. أنا لازم شيل الساعات حطّن جوا. أفضل جوا، وهاي الشنطة شنطة القنابل جوا أحسن. مخبر: ال تي ان تي هون؟ سماحة: إيه مخبر: خليني ساعدك، ما كانش يفتح الباب معي شوي شوي، شو بعد في بالصندوق هاي الكيس لإلي، يا ويلي خلص فيني أخدن هيك. سماحة: إيه هوديك حطّيطن جوا. مخبر: بس هيدي زيحا شوي ولاّ خلص سماحة: خلص ثابتة مخبر: طيب أنا حعلّملك من رقم منصير نحكي عليه سماحة:لا عطيني رقمك، عندك ياه؟ مخبر: أنا رح علملك ياه ، معيش التلفون هون سماحة: لا علملها لغلاديس مخبر: بعلملها لغلاديس سماحة: بتعلملها لغلاديس وأن بفتحوا عناق وقبلات بينه وبين المخبر سماحة: الله يوفقك مخبر: منواصل بس إلو للمعلم يدير بالو عليي سماحة: خالصة مخبر: طيب يالله الرقم بيكون مع غلاديس. انتهى تفريغ الاجتماعات الثلاثة المذكورة وعليه سطرت.

المصدر: الجمهورية | التاريخ: