اي والله كلنا شاطرين بالتنظيرات , كلنا ابو العريف , كلنا نتجادل حول جنس الملائكة , كلنا صار عندوبمباكشن يعرم حالو بيها بالشارع حتى يفرجي عنترياته للناس الدراويش المعترين , كلنا نتناقش في كل شىء الا الشىء يللي يتوقف عليه مصير شعب , كلنا نكذب عا حالنا , وعا غيرنا , كلنا صارت عندو دكانة حتى نتنافس عا بيع الغش والخداعوالنفاق , كلنا صار عندو خرقة مهترية عم يتاجر بيها على انها راية امة , كلنا متفقين على ان لا نتفق , حتى يكون كل واحد ديك عا كم دجاجة غبية وكم صوصة تعبانة , كلنا بالنهار مناضلين ثوريين النار تقدح من عيوننا ومن اماكن اخرى ,,, !! وفي الليل نناضل على طاولات لعب الورق ,ولما اجانا موبايل .... يا شباب سري كانيةعم تخترق او تحترق , قلنا بسيطة بسيطة بس حتى نكمل لعبة الكونكان ما راح تخرب الدنيا , وهووووووب بعد المكالمة عملنا موبايلاتنا خارج التغطية , وقبلها من زمان ضمايرنا خارج التغطية _ لعمى سيرياتل تشتغل احسن من ضمايرنا -رن رررن رن ررررررررررن الو الووووووووووو سري كانية تناديكم ,الحزب 1 الخط مغلق الحزب 2 و 3 و4 الحزب 19 يرجى الاتصال لاحقا , وفي الصبح كل حزب فتح دكانو ,وبلش الرفاق يحللو اسباب خسارتهم لعبة الكونكان ,ويناقشو كيف بدهم يكسبو لعبة الليلة الجاية , وبعدها ناقشو وضع سري كانية ,واذا بالرفيق بعجانو صاير منظر استراتيجي , والرفيق خرتكو محلل سياسي ,والرفيق هوروبزور خبير اسلحة كيماوية , والرفيق هزاربشروك مهندس اعلامي , وبلشت المناظرات وما خلصت ,وكل واحد ما يتنازل او يتراجع عن رايو ربع سم , وفجأة سمعو ........ يا شباب الميغ عم ينزل براميل فوق راس اهلنا في سري كانية , استنفرت دكاكين احزاب مفعول به مجهول , حتى تعجل وتجيب البضاعة الجديدة /مجزرة سري كانية/ وتعرف كيف تبيعها ,في السوق المحلية والكردستانية والعالمية, هووووووووووو الدنيا حولنا قايمة قاعدة ونحنا لسا عم نتناقر عا لعبة مين الديك ومين الدجاجة (( كي ديكا كي مرشكا )) مع انو مافينا ولا ديك واحد , كلنا دجاج عا مزبلة غيرنا , وقبل ما نتفق عا توزيع كعكة سري كانية , اجا مؤتمر الدوحة , وشفنا الكل صارو ديوكالعربي والتركي والفارسي والامريكي والصيني والاوروبي والصومالي , والكل جمعو وضربو وطرحو وقسمو عا كيف كيفون, وبقينا وحدنا دجاج برا الكوخ السوري والعربي والاقليمي والدولي, اتاري غرورنا الاجوف خلا عيوننا وعقولنا وضمائرنا وقلوبنا عمياء ,وما قدرنا نشوف حالنا عا اننا دجاجات لا والله الدجاج احسن منا , نحنا دزينتين احزاب ليس لها محل من الاعراب في العالم الجديد , والربيع بدو يروح علينا ,الا اذا طلع شي ديك ابن حلال بشكل مفاجىء يفكر بدجاجاتو اكتر ما يفكر في نفش ريشو .... اعتذر منك يا سريكانية لا تحزني بكرا الدور عا درباسة وعامودا وقامشلو ..... لعمى 19 شهر مهاترات والنتيجة شفنا حالنا في نص الكوخ تبعنا محاصرين بدخلاءعا الباب واحد يتهمنا بالكفر اذا شعلنا سيكارة وعا الشباك واحد يزت علينا براميل تي ان تي.... صرنا مجزرة !!؟؟
